Saturday, March 14, 2009

မြက်ပင်၊ တိမ်တိုက်နဲ့ လူ

ညက တုန်းက လပြည့်ကျော် တစ်ရက်နေ့ဆိုပေမဲ့ လမင်း က အရမ်း ကို သာနေတယ်၊ လကြီးက ပိုပြီးဝိုင်းစက်လာ သလိုပဲ လေတချက်မွှေ့ လိုက်တိုင်း ဆောက်တည်ရာမဲ့တိမ်တိုက်တွေက …ပရမ်းပတာတွေဖြစ်ကုန်ရော.. ငွေနားကွပ် တိမ်တိုက်ဆိုတဲ့ ဂုဏ်တွေက နေ့ဖက်မှာ ကျန်ခဲ့ပြီလေ၊ အခုတိမ်တွေမှာ ငွေနားကွပ်မရှိတော့.. အကွပ်မဲ့ကြမ်း ပရမ်းပတာဆိုပေမဲ့ မိုးကောင်းကင်ကို ဟီးလေးခိုပြီး မာန်ဝင့်နေတဲ့ တိမ်တိုက်တွေ ၊လောကကြီးကို အပေါ်စီးကနေ ကြည့်နေမယ်ဆိုတဲ့ တိမ်တိုက်ပျံတွေ လေတစ်ချက်မွေ့တိုင်း ထားရာနေ စေရာသွားနေရတဲ့ ဗေဒါတပွင့်လောက်တောင်မှ တန်ဖိုးမရှိတော့။ လောကစကားနဲ့ဆိ်ုရင်တော့ အပေါ်ထပ်အဆောက်အဦးက အနှစ်မဲ့ဘ၀တွေလို့ဆိုရမလား…

“သား မင်းသူတို့ကိုအားကျနေလား”

ကောင်းကင်ကို ဟီးလေးခိုပြီးတော့ နေကြတဲ့ တိမ်တိုက်တွေကို ကြည်ပြီးတော့ နေတဲ့ မြစ်ပင်ပုစုကွေးလေးကို မြက်ပင်အဖေက မေးတော့….

ဟုတ်ကဲ့ .. သားသူတို့ လိုဖြစ်ချင်တယ်” ဆိုတဲ့ မြက်ပင်ပုစုကွေးလေးရဲ့စကားကို မြက်ပင်အဖေက ကြားတဲ့အခါ…

“သားရေ.. အားမကျစမ်းပါနဲ့ မိုးကောင်းကင်မှာ နေရလို့ လွပ်လပ်တယ်မင်းထင်နေရင်တော့ မှားပြီ၊ သူတို့ခမျာ နေထွက်ပြီးအရမ်းပူ လာရင် ကျူးကျော်ရပ်ကွက်မှာ တဲတိုးပြီးနေတဲ့ လူတွေ လို ပဲ စစ် ဆေးရေးတွေရောက် လာရင် ဖယ်ပေး၊ ဖျက်ပေးရတယ်၊ နောက်ပြီး လေတိုက် လာတဲ့ အခါ စည်ပင်အခွန်မပေးနိုင်လို့လျှောက်ပြီးပြေးနေရတဲ့ လမ်းလျှောက်ဈေးသည်လို နေရာ တကျ မနေနိုင်ဖြစ်ရတယ်၊ ပြီးတော့ ကောင်း ကင်ရဲ့ ဘုရင်လို့ ပြောနေတဲ့ နေမင်းကြီးရဲ့အလို အရ နေ့တိုင်း မှာ အချိန်တိုင်းမှာ အရောင်တွေပြောင်းပြီး နေကြရတာ ပါကွာ သူများနှခေါင်းနဲ့အသက်ရှူနေကြတာ လေ။ ဘာလဲဟိုတခါက တိမ်တိုက်တွေနဲ့ရန်ဖြစ်ထား လို့စိတ်မကောင်း ဖြစ် နေလား ပြီးတော့ မြေကြီးပေါ်က နင်းပြား လို့ အခေါ်ခံရတာ ကို သားဝမ်းနည်းနေလား”

“ဟုတ်တယ်အဖေ..ဒီတုံးက သူတို့ဝတ်ထားတဲ့ အကျီက ငွေရောင်လေးတွေနဲ့သိပ်လှတယ်..အဖေရ”

“ အား..ငါ့သားအတု ခိုး မှာနေပြီ..ဒါက ခဏလေး အရောင်တင်ထားတာ.. အခုသားရှေ့ မှာ ရှိတဲ့ ကတ္တရာလမ်း လိုပဲ လူကြီးတွေ လာမှာ မို့ ခဏလေးကောင်းနေတာ ၊ လူကြီးတွေ လည်း ပြန်ရော လမ်းလည်း ပျက်ရော..ဒါသား လည်း တွေ့နေတာ ပဲ၊ အခု လည်း ကောင်း ကင် က ဘုရင် နေမင်း လာ လို့ ခဏငှါး ၀တ်တာ လေ နေမင်းကြီး ပြန်ရင် လူ လုပ်ထားတဲ့ လမ်း ထက် တောင် ငွေရောင် တွေ က ပျက် မြန်သေးဟ။

ပြီးတော့ သားရေ.. သူတို့ဘ၀ က သနားစရာပါ ကွာ သူတို့ပုံတွေကြည့် ပါလား တော် ကြာ ဘီလူး ပုံ ဖြစ် လိုက် တော်ကြာ မင်းသား ဖြစ်လိုက် တော် ကြာဂွမ်းပုံဖြစ်လိုက် ဇတ်မင်းသမီးတွေ လို အရောင် တွေပြောင်း လိုက်..မော လိုက်တာကွာ၊ အခု အဖေတို့ က မြက်.. လမ်းဘေးကမြက် မွေး လာတုံးကစိမ်းနေတယ် အခု အရွယ်ရောက် လာတော့် လည်း စိမ်းနေတယ်…

သေခါနီး သက် ကြီး မြက် ဖြစ် နေတာ တောင်မှ စိမ်းနေတုံး ပါ ကွာ၊ ဟို နား လမ်းထောင့် အိမ်က ကိုကြွယ် လိုစီး ပွားရေး သမားမျိုး အလုပ်ကွက်ရအောင် ဘယ်သူ့ဆီ ဘယ် လောက် ပေးရ၊ ဘာ အတွက် ဘယ် လောက်လှူရ မရှိဘူး ကွာ၊ အစိမ်းရောင် ဖြစ် ခွင့်ရ ဖို့ ဘယ် သူ့ ကို မှ ဟန် လုပ် ဖားနေစရာ မလို ဘူး ကွာ..နဂို ကတည်း ကအစိမ်းရောင်ပဲလေ… အခု လည်း စိမ်း မယ် နောင် လည်း စိမ်း မယ်ပေါ့ကွာ။။ ဟုတ်ပီ လား..

အမ်.. ဒီက အဖေပြောနေတာတော့ နား မထောင်ဘူး.. လူတွေ ရပ်ပြောနေတဲ့ စကား ကို နားထောင် နေတယ်…သား

မြက်ပင်ပြောတဲ့စကား ကို ပျင်းနေလား…

မဟုတ် ဘူး အဖေရ … လူတွေပြောနေတာ က နားထောင် ကောင်း နေလို့ ပါ..ဟို မှာကြည့်လေ အဖေ.. ကျနော် တို့ အရှေ့ အိမ်ကကျောင်း အမ ကြီးပြောနေတာ ဘယ်လောက်လှူပြီး ပြီ နောက် ဘာ လှူရမလဲ..ဆိုပြီးတော့.. အားကျလို့ ပါ.. အဖေရာ…။

အပြစ် မပြောချင် ဘူး သားရေ မင်း ငယ်သေးတာ ကိုး.. တခါတုံး ကသားပြောတဲ့ ကျောင်း အမကြီးက နာမည်ကျော်ဆရာတော် ကြီးတပါး ထိုင်တဲ့ကျောင်း မှာ မုခ်ဝ မလှူရ လို့ ပြန် ခဲ့တာဗျ ၊နာ မည်မပါရင် မလှူ ဘူး သားရေ…

ပြီးတောု သား မတွေ့ ဘူး လားစားစရာမရှိ၊ သောက်စရာ မရှိတဲ့ ကလေးတွေ လာရင် ခွေးနဲ့ တိုက် လွတ် တာ၊ တခါတုံး ကဆိုကောင် လေး တစ် ယောက် အကြောက် လွန်ပြီး ပြေးရင်း ငါ့ ပေါ်တောင် ရှူရှူးတွေ ပန်း ခဲ့သေး..ငါတို့ မြက် လေကွာ..သားရေ။

နေဦးသား အဖေမေးဦးမယ်..လူတွေက ပါးစပ်နဲ့ပြောနေတာ က တကယ်ကွာ ဘာမှမရှိရင် နေ အကျင့်တရားနဲ့ စိတ်ဓာတ် ကောင်းရင်ရပီဆိုတာ ဒါပေမဲ ဒီကိုယ်ကျင့်တရားတို့ ရိုးသားမှုတို့၊ သစ္စာရှိမှုတို့ နဲ့တင် တောင်လို့ ညားသွားတဲ့ သတိုးသမီးသတိုး သားရှိ လား.. မရှိ ဘူးနော်..ငွေနဲ့ ပစ်ဝယ်ပြီး လက် ဖွဲ့ ပစ္စည်း အဝေ မတည့် တာနဲ့ ညမအိပ်ပဲ ကွဲကြတာ ပဲ မြင် ဘူး ပါတယ်သားရေ။

ဒီတော့ လူ တွေ ကိုယ် ကျင့်တရားဖေါက်သလို .. ငါ့သား လည်း အပင် ကျင့်တရား မဖေါက်နဲ့ ငါတို့ အပင် တွေက ကာဗွန်တိုင် အောက်ဆိုဒ်ကိုရှူပြီးတော့ လူတွေ အတွက် အောက်စီဂျင် ကိုပြန် ထုတ် ပေးမယ်၊ ပြီးတော့ လူတွေခြေနဲ့နင်း လည်းကြီးပြင်းပေးရမယ်၊ ရေမလောင်းလည်း ရှင်သန် ပေးရမယ်၊ လူတွေ ဘာလုပ်လုပ် .. ငါတို့က အမြဲတမ်း ကြီး ထွားပြီး အစိမ်းရောင်ရှိနေအောင် လုပ် ဖို့ပဲစဉ်းစား ပါ ကွာ…။

ဟော..ပြောရင်းဆိုရင်း..လေတွေတိုက် လာပီ… မင်း အထင်ကြီးတဲ့ တိမ်တိုက် တွေ အမဲရောင် ပြောင်းပြီး ငိုရတော့ မယ်…။

လာသား အဖေတို့ လက် တွေ မြဲမြဲထား ပြီးတော့ အဖေတို့အရိပ် ကို ခို ဖို့ လာတဲ့ ပုရွက်ဆိတ်တွေကို လုံအောင် လွင့်မသွားအောင် ကာပေးထား… အပင် ကျင့်တရား နဲ့ ညီအောင် နေကြစို့သားရေ… မိုးရွာ လာပြီ…။ ။


15 comments:

တေးအေးရိပ် said...
This comment has been removed by the author.
may16 said...

စာလုံးတွေမမြင်ရဘူးရှင့် Error ပေးနေတယ်နဲ့တူတယ်..

တေးအေးရိပ် said...

မြိတ် ၊ တနင်္သာရီ တိုင်း နဲ့ ဥပသကာ

လာဖတ်သွားပါတယ် :D

အလှတရား said...

အရမ်းကောင်းတဲ့ ပိုစ့်လေးပဲ
ရသ စာတမ်းလို ပုံစံလေး
ကျနော့်မှာအဲလိုလေးရေးချင်လို့ စိတ်ကူးထုတ်နေတာ
အစ်ကိုရေးတာမှ တကယ့်အဟုတ်။

Younggun said...

ကောင်းလိုက်တဲ့ပို့စ်ဗျာ။ မိုးတိမ်လို လွင့်မျောချင်စိတ်တောင် ကြက်ပျောက်၊ ငှက်ပျောက် ပျောက်သွားတယ်။ မြက်ပင်လေးတွေဘက်က ရေးထားလိုက်တာများ။ မြက်ခင်းတွေပေါ်တောင် မနင်းရက်တော့ဘူး။

JulyDream said...

အပင့်ကျင့်တရား ဆိုတဲ့ အသုံးအနှုန်းကို သဘောကျမိတယ်။ ပုရွက်ဆိတ်တွေရဲ့ ဘ၀အတွက် လုံခြုံမှုကို ပေးစေတဲ့ မြက်ပင်လေးတွေကို ပြုံးပြီး ကြည့်မိတယ်။


ဒါနဲ့... တိမ်တိုက်တွေ ငိုကြရင် ကျွန်တော်လည်း လွမ်းတတ်ပါတယ်။

အခုပို့စ်နဲ့ ဘာမှတော့ မဆိုင်ပါဘူး။ ကြုံလို့ ပြောတာပါ။ ဖတ်ရတာ ကောင်းလွန်းလို့ပါ။

may16 said...

ကိုဥပသကာရေးထားတာလေး နဲ့ အတွေးခေါ်ဆိုလိုရင်းက အရမ်းကောင်းပါတယ် လေးစားပါတယ်ရှင်.

win latt said...

“ အပင် ကျင့်တရား နဲ့ ညီအောင် နေကြစို့သားရေ… ”
ကောင်းတယ်ဗျာ...
လူတိုင်းမှာ..စောင့်ထိန်းအပ်တဲ့...လုပ်ဆောင်အပ်တဲ့...ကျင့်ဝတ်သိက္ခာတွေရှိပြီးသားပါဘဲ....လိုက်နာသူလဲရှိ..မလိုက်နာသူလဲရှိ....ပေါ့...။
ဒီပို့စ်လေးဖတ်ပြီး အကျိူးရှိတာလေးတွေ မျှဝေပေးတဲ့အတွက် တန်ဘိုးရှိလိုက်တာဗျာ...

မသက်ဇင် said...

"မြက်ပင်၊ တိမ်တိုက်နဲ့ လူ"

ဖတ်ပါတယ်---တငြိမ့်ငြိမ့်ခေါ်သွားတယ်--
“ အပင် ကျင့်တရား နဲ့ ညီအောင် နေကြစို့သားရေ… ”

စာသားလေးကလည်းကောင်းလိုက်တာ--
ရသ အရေးကောင်းသူပါပဲ-
အတွေးလည်းကောင်းတယ်--

Angel Win said...

ကောင်းသောပို့စ်လေးပါ
အားပေးပါတယ်

ကိုရင်နော်ခင်လေးငယ် said...

မြက်စိတ်ဓါတ်လေးကြိုက်တယ်..

အတွေးလေး အရေးလေးက လန်းသဗျာ..

သဇင်ဏီ said...

ဟုတ်ပါတယ်...
ဘယ်သူမဆို ကိုယ်ပိုင်ကိုယ်ကျင့်တရားနဲ့ နေသင့်တယ်ဆိုတဲ့ ဥပမာပေးထားတဲ့ ပုံစံလေးကို သဘောကျပါတယ်..
ပီးတော့ တစ်ချို့အချက်တွေ ဆိုလိုချင်တာတွေကို တစ်ကယ် ထိတယ်...
ကောင်းတဲ့ပို့စ်လေးပါ...

မသက်ဇင် said...

အသစ်လာရှာတာ--အဟောင်းပဲပြန်ဖတ်သွားပါတယ်--
အစစအရာရာအဆင်ပြေပါစေ----

မသက်ဇင် said...

နက်မကောင်းလို့လားဥပသကာ
ပိုစ့်အသစ်ရေးပါအုံး----

မိုးခါး said...

ဖတ်ရတာ အရမ်းကောင်းတာပဲ
အကျင့်တရားနဲ့ ပြည့်စုံအောင် ကြိုးစားရမယ် ..း)